ภาษาอีสานทั้งหมด 11153 - 11162 จาก 17431
-
เฮี่ย
แปลว่า : ตก หล่น หาย อย่างว่า อย่าเลี้ยงหมาหลงอย่าบงเข้าเฮี่ย (บ.) ตกตาว่าได้กำคอแก้วบ่หวังวางให้เหล้าเฮี่ย ตกตาได้กำคอกระท้างบ่วางให้เขี่ยขี้ดิน (ผญา) เลือดหยาดย้อยช้างเฮี่ยฮำดิน แขงว่ายอมมือยูท่างสูกุมฆ่า เป็นแต่ใจถวินห้องหนนางพรหมโลก คันว่าปล้ำเทื่อนี้เมือฟ้าเล่ากวน (ฮุ่ง). -
เฮี้ย
แปลว่า : ไม้ผาก ชื่อไม้ไผ่ปล้องยาวชนิดหนึ่ง ไม่มีหนาม เรียก ไม้เฮี้ย ไม้ไผ่เฮี้ย ก็ว่า อย่างว่า กลายเขตไม้เดียระดาษดงขวาง ภูชันสูงฮ่อมหินเหวห้วย ผ่อเห็นบงชางเฮี้ยเฮียงกอกางกิ่ง ประดับน่ำแน้บานบ้างแบ่งเขียว (สังข์) ผ่อดูฟ้าสว่างแจ้งเดียระดาษสูญโพยม พุ้นเยอ ฮอนฮอนดาวเฮื่อดวงเดือนอ้าย ฟังยินเป็ดป่องฮ้องเทิงภูว้อนว่อน เค้าอั่นฮ้องปลายเฮี้ยส่งเสียง (ฮุ่ง). -
เฮี้ย
แปลว่า : เตี้ย ต่ำ เล็ก สั้น ภูเขาเตี้ย เรียก ภูเฮี้ย อย่างว่า เดือนดุ่งพ้นเขาเฮี้ยฮุ่งผา (สังข์) กิ่งไม้ที่เรียวเล็ก เรียก เฮียวเฮี้ย อย่างว่า ไม้ก่องค้อมลมล่วงพระคีรี ดีแก่เหมือยฮวายฮำยอดไฮเฮียวเฮี้ย หมีเหมือยฮ้องปุนปังเป็ดป่อง เค้าเคี่ยนหว้ายเวียนค้อยคอบคอน (สังข์). -
เฮียก
แปลว่า : เรียก เรียกร้อง ร้องเรียก อย่างว่า ลัวก็ปุนคำต้านคลองขานแขม่วน ทุกที่เหี้ยนโชมเจ้าเฮียกขวัญ มาเยอ หนักหนิ่นเนื้อน้อยอ่อนขวัญหัว มาเยอ ทังแขนกลมไหล่ขวาแขนเจ้า แององค์อ้วนเลางามขวัญพระเนตร ก็มา ยินอยู่หมั้นในย้าวหมื่นปี แม่ถ้อน (ฮุ่ง) น้องอยู่ลี้เนาเน่งในปรางค์ พุ้นเยอ ยาคอยผกปล่องลมหลิงเยี้ยม แม้นชิชายใดแท้มาปองปลุกเฮียกก็ดี นางก็อย่าต่าวหน้าจาต้านตอบเขา แท้เนอ (สังข์). -
เฮียกชื่อ
แปลว่า : บอกชื่อ อย่างว่า นามกรท้าวราชาเฮียกชื่อใดนั้น (สังข์). -
เฮียกฮ่ำ
แปลว่า : พร่ำเรียก ร่ำเรียก อย่างว่า ฝูงแกว่นใกล้เฮียกฮ่ำโฮมขวัญ เซ็นเซ็นชลธาไหลท่าวเททังเยื้อน แม้งหนึ่งคำเถิงไท้เทวีพะลันฮอด หน้าบ่าเบื้อทังไห้หอดหิว (สังข์). -
เฮียง
แปลว่า : เรียงกัน เคียงกัน อย่างว่า นั่งเรียงรอบ เรียก เฮียงฮอบ อย่างว่า คือดั่งหยาดแต่ฟ้าเสด็จท่องธรณี โฉมคราญควรคาดเจืองเทียมท้าว นักสนมเนื้อนารีเฮียงฮอบ กาก่องก้าวงามล้ำลูกขอม (ฮุ่ง) สองแม่ป้าเฮียงข้างลูบเลิง ฟังยินเปล้าป่าวฮ้องเฮียงลูกสอนเสียง (สังข์). -
เฮียงครอบ
แปลว่า : ดลบันดาล อย่างว่า ท่อว่าคึดใคร่ด้วยดอมมิ่งมเหสี ทนทวงกระสันสิ่งไฟฟอนเอ้า หลิงดูก้ำบูฮาญเฮียงครอบกันนั้น พันธะมิ่งข้าขานเบื้องฝ่ายใด นั้นเด (สังข์). -
เฮียงความ
แปลว่า : กราบเรียน อย่างว่า ลงขาบท้าวมหาเอกเสนา มันก็เฮียงความไขข่าวการกลอนใช้ เมื่อนั้นทังหลายฮู้ฮมเถิงขานขอบ จริงแล้ว อวนแขกขึ้นทูลท้าวที่ยำ (สังข์). -
เฮียงฝั้น
แปลว่า : เกี่ยวข้อง ผูกพัน อย่างว่า วันนี้เฮาควรต้านขุนเมืองเมือข่าว ดีดาย ตามดั่งวันโชคชู้เฮียงฝั้นฝ่ายเฮา (สังข์).