ภาษาอีสานวันละคำ 1 - 10 คำ จาก 2911

1 - 10 คำ จาก 2911

• ภาษาอีสานวันละคำ 2026-08-27 "จุ่ม"
  แปลว่า : จม ตกลงไป อย่างว่า เยียวท่อเวราฮ้ายอะเวจีจมจุ่ม บาปบ่กลั้วหนาแท้ที่ตน (ฮุ่ง) ยามเดียวหายจุ่มลงเมือพื้น (กา) มือบ่พายอย่าเอามือจุ่มน้ำ (ภาษิต) คนเซ็งเมี้ยนจมมวลละคาบ เป็นดั่งฟืนค่าข้อเลยซ้ำจุ่มวัง (ฮุ่ง).
• ภาษาอีสานวันละคำ 2026-08-26 "เอื้อน"
  แปลว่า : หยุด ฝนหยุด เรียก ฝนเอื้อน อย่างว่า ฝนตกยังฮู้เอื้อน นอนกลางคืนยังฮู้ตื่น บาดพี่คึดฮอดน้องสังมาเอื้อนอิ่มบ่เป็น (ผญา) บ่ได้สุขอยู่สร้างเสวยราชเป็นพระยา คนิงเพ่งศรีซู่วันมีเอื้อน กำสุดโอ้กนิษฐาเจ้าพี่ กูเอย ปานนี้ยักษ์ฆ่าเจ้ากินแล้วฮู้ว่ายัง นี้เด (สังข์) ถัดนั้นสะพ่มพร้อมขุนหมื่นมัสการ เชิญสองศรีเสด็จสู่เกวียนกงแก้ว ฮามเห็นเจ้าหลายปีปุนโศก ฮักบ่เอื้อนชุมให้นี่นัน (สังข์).
• ภาษาอีสานวันละคำ 2026-08-25 "เฮือนซาน"
  แปลว่า : บ้าน หรือ เรือนชานบ้านช่อง
• ภาษาอีสานวันละคำ 2026-08-24 "ขี้กะเทิก"
  แปลว่า : เสมหะ ,เสลด
• ภาษาอีสานวันละคำ 2026-08-23 "แค่งฮั้ว"
  แปลว่า : รั้ว รั้วที่ล้อมด้วยเรียวหนามหรือไม้ ป้องกันวัวควายไม่ให้เข้าไปกินพืชในสวน เรียก แค่งฮั้ว อย่างว่า อย่าได้หม้นแค่งฮั้ว เฮียวไม้ซิแดกตา (ย่า).
• ภาษาอีสานวันละคำ 2026-08-22 "ขาว"
  แปลว่า : สะอาด, สด ,ใส สีที่มีลักษณะเหมือนปุยนุ่นหรือสำลี เรียก สีขาว อย่างว่า แม่นว่าสังขะราชท้าวเกิดฮ่วมอุทรก็ดี ท้าวก็เพ็งคีงงามเงื่อนพรหมเพียรแต้ม โฉมศรีน้อยดูควรฮักฮูป คือดั่งผลึกแท่งแก้ว กลมเกลี้ยงแข่งขาว (สังข์).
• ภาษาอีสานวันละคำ 2026-08-21 "อิแม่"
  แปลว่า : แม่, คุณแม่
• ภาษาอีสานวันละคำ 2026-08-20 "คึดต่อ"
  แปลว่า : คิดจะพึ่งพาอาศัยเรียก คึดต่อ อย่างว่า คึดต่อพี่เป็นหิบฮี่ คึดต่อน้องเป็นล้องค้อง คึดต่อโตเป็นโปโลพ้นเพื่อน (ภาษิต).
• ภาษาอีสานวันละคำ 2026-08-19 "แม่"
  แปลว่า : หญิงผู้ให้กำเนิดแก่ลูก เรียก แม่ แม่นั้นมีทั้งดีและชั่ว โบราณท่านจำแนกไว้เป็นหลายประเภท.
• ภาษาอีสานวันละคำ 2026-08-18 "สิง"
  แปลว่า : ชื่องูไม่มีพิษชนิดหนึ่ง เรียก งูสิง อย่างว่า แนวนามเชื้อสิงคงป้องห่าง พิษบ่ฮ้อนกลายใกล้เพิ่นบ่กลัว (กลอน).