ภาษาอีสานมาใหม่ 6421 - 6430 จาก 17431
-
ฮุม
แปลว่า : รุม รวม การชวนกันไปปล้นหรือไปฆ่า เรียก ฮุม อย่างว่า คนเก่าเจ้าท้าวฮุ่งฮุมฟัน เขาก็ยอมพลเตินซู่เมืองฮีฮึ้น ผีตายล้มกองกันดาไขว่ อ้ายคว่างขอฟาดช้างตัวต้นซั่นชน (ฮุ่ง) เมื่อนั้นฟายนอบนิ้วทักพี่ขุนเจือง แองคอนเมือเกยขวางนั่งทูลพระยาอ้าย สูก็หลอนเอาได้หลายเมืองมาฮอดดีรือ เขาว่าท้าวกว่าย้ายหมู่ช้างฮุมเจ้าแสม่งตาย ว่าก็ (ฮุ่ง). -
ฮุบฮู่
แปลว่า : ริบหรี่ สิ่งที่แลเห็นไม่ชัด เรียก ฮุบฮู่ อย่างว่า เสียกฮุบฮู่พออยู่พอกิน เสียกแพ้แว้แพ้บ้านแพ้เมือง (ภาษิต). -
ฮุ่นไฮ่
แปลว่า : ชื่อพรรณไม้ชนิดหนึ่ง ลำต้นเล้กๆ เกิดตามไร่ที่รกร้าง เรียก ต้นฮุ่นไฮ่. -
ฮุนแฮง
แปลว่า : รุนแรง อย่างว่า ส่ำหนึ่งพาโลล้นหลับตื่นสูรย์สวย ส่ำหนึ่งเป็นใจวายเปรียบมันมัวไฮ้ คนใดฮ้ายจาฮุนแฮงโลภ ลอนท่อเลี้ยงเสียหน้าเพื่อมัน ลูกเอย (สังข์). -
ฮุนฮ้าย
แปลว่า : ร้ายแรง อย่างว่า ท่านอย่าโกธาแข็งฮ่อเฮาฮุนฮ้าย (เวส-กลอน) ฮ้ายฮุ้น ก็ว่า อย่างว่า เมื่อนั้นพระแม่เจ้าใจบ่มีมาย หากได้ทูลเทียนเถิงเทพไททานให้ เห็นว่าเป็นตายฮ้ายฮุนดอมดาขอด กันแล้ว ฝูงแม่พร้อมเพียรล้างลูบไล (สังข์). -
ฮุ่นฮาง
แปลว่า : ร่วมรุ่น ร่วมสถาบัน คนที่เกิดปีเดียวกัน เกิดบ้านเดียวกัน เคยบวชเรียนมาด้วยกัน หรือเคยเข้าศึกษาเล่าเรียนในสถาบันเดียวกัน เรียก ฮุ่นฮาง ฮุ่นฮางปางเดียวกัน ก็ว่า. -
ฮุ่นถ้วมตอ
แปลว่า : ผู้ที่เกิดมาดีกว่าตระกูลของตน หรือเคยเป็นศิษย์กลับเป็นอาจารย์ เรียก ฮุ่นถ้วมตอ. -
ฮุ่น
แปลว่า : รุ่น สมัย คราว ต้นไม้ที่ตัดแล้วมีกิ่งเกิดขึ้นใหม่เรียก ฮุ่น คนที่เกิดปีเดียวกัน เรียก ฮุ่นเดียวกัน อย่างว่า พร้อมล่ายแท้ทังข่มขืนแข็ง คองว่าบาฮามฮาวฮุ่นเฮาแฮงฮู้ ลุนมาแท้คำสูญสันทาบ บาก็ขอหม่อนผู้เป็นเชื้อชอบเชียง แม่เอย (สังข์). -
ฮุน
แปลว่า : ชั่วช้า เลวทราม คนชั่วช้าเลวทรามเรียก คนฮุน อย่างว่า คันว่าฝูงพี่แค้นคึดยากยอมการ ดั่งนั้น จงค่อยหอมกันคืนคอบพระคุณคำแจ้ง เมื่อนั้นหีนะชนเชื้อชายฮุนเฮียนฮ่ำ คันว่าพระที่จั้งไลแล้วส่วนสูญแท้แล้ว (สังข์). -
ฮุด
แปลว่า : ดื้อ ด้าน ลูกที่ไม่ฟังคำสั่งสอนของพ่อแม่ เรียก ลูกฮุด ควายที่ไม่ฟังคำสั่งของเจ้าของ เรียก ควายฮุด ไถนาดะ เรียก ไถฮุด.