ค้นหา "ฮ" 1931 - 1940 จาก 4161
-
ดอน
แปลว่า : เกาะในแม่น้ำเรียก ดอน ที่เป็นเนินเป็นโคก เป็นป่าละเมาะ เรียก ดอน อย่างว่า ฟังยินกดกล่าวท้วงกลางเหล่าดอนเลา พุ้นเยอ ชะนีนงคราญส่งเสียงสูรเสี้ยง (สังข์) แม้งหนึ่งเถิงสถานกว้างดอนงามแฮงจอด คอนก็เซาแง่ชั้นทางน้อยล่วงดอน (ฮุ่ง). -
ดอม
แปลว่า : ด้วย โดย ตาม ด้วยเรียก ดอม อย่างว่า โทเรคึดคั่งโดยดอมเจ้า (ฮุ่ง) โดยเรียก ดอม อย่างว่า เมื่อมันเข้าสู่บ้านเมืองมิ่งโดยดอม ดอยคนคือคู่ปุนปลาชิ้น (สังข์) ใผอย่าขันอาสาเลี้ยงงูสาไว้ดอมไก่ ย้านแต่ทุกข์บ่มั้วเข็ญฮ้ายเข้าสู่เฮือน (ภาษิต). -
ดัก
แปลว่า : รูที่ตรงดิ่ง เรียก ฮูดัก ฮูชัน ก็ว่า รูที่ชอนขึ้นเรียก ฮูเนิน ฮูแปว ก็ว่า อย่างว่า ฮูเนินแมนฮูคัน ฮูชันแม่นฮูแข้ว (ปัญหา). -
ดัง
แปลว่า : จมูก จมูกเรียก ดัง จมูกเชิดหรือดังเหินเรียก ดังเบิด อย่างว่า คันเจ้าได้ขี่ช้างอย่างดังเบิดดังเหิน อย่าได้เสินเสินหัวแหย่งชิพานพาฮ้าย (ย่า) ลอนท่อปั้นเข้าจ้ำชิตำขึ้นถืกดัง (ขุนทึง). -
ดั้ง
แปลว่า : ชื่อดาวจำพวกหนึ่ง มีสามดวง เรียก ดาวดั้ง อย่างว่า ฮวนฮวนเหลื้อมแขงามเงาส่อง เล็งล่ำฟ้าดาวดั้งดาษเดียร์ (ฮุ่ง) งามสอนลอนดาวดั้ง ดาวหมูชังขึ้นหัวค่ำ (กลอน). -
ดัด
แปลว่า : ทำให้ตรง เช่น ไม้โงทำให้ตรง คนคดทำให้ตรงเรียก ดัด เบ้ด ก็ว่า อย่างว่า มันไปฟันเอาไม้กลางกอลำเปี่ยว เบ็ดซื่อแล้ววางไว้ต่าวโง มันไปดัดป่านเปลี้ยมาฝั้นเฮ็ดสาย ป่านนั้นกกมันเท้าธรณีภายลุ่ม ปลายยั่งขึ้นเมือฟ้าฮอดพรหม (เสียวสวาสดิ์). -
ดั้น
แปลว่า : บุก ดั้น ด้น การบุกป่าฝ่าดงไปในที่ทุรกันดาร ไม่ว่าใกล้หรือไกล เรียก ดั้น อย่างว่า พี่ก็ดั้นหมื่นมื้อเถิงน้องที่สถานนี้แล้ว (สังข์) เมื่อนั้น หัตถีช้างนำมามีขาด ดั้นเถื่อนถ้องไพรกว้างขาบถวาย (ฮุ่ง). -
ดั้น
แปลว่า : เหาะ บิน การเหาะเหินเดินอากาศ เรียก ดั้น ดั้นเมฆ ดั้นกลีบฟ้า ก็ว่า อย่างว่า ฝันว่าหงษ์ทองผู้บินบนปอมเมฆ ดั้นกลีบฟ้าเถิงเจ้าแทบทวง เฮียมก็นอนเฮียงช้อนหงษ์ทองตัวกาจ กกกอดเกี้ยวในมุ้งฮ่วมหงษ์ (ผญา). -
ดั่นดั่น
แปลว่า : ดิ้นเร่าๆ เรียก ดั่นดั่นดิ้น ดั่นดั่นดิ้นดิ้นดั่น ก็ว่า อย่างว่า มันก้ดั่นดั่นดิ้นศรคลาดคาหนี ฟางตายหนีผ่อเห็นแปนข้าง มันก็เฮฮนฮ้องหานางนงถ่าว พี่บ่ให้ฮุ่งฮู้คำฮ้อนฮอดอวน พี่นา (สังข์). -
ดับ
แปลว่า : ตาย มอด สูญหาย ระงับ หมดสิ้น ตายเรียก ดับ อย่างว่า ผิว่ามาดับเมี้ยนมีจริงจมจาก ขอให้ของเสี่ยงข้าหายพร้อมซู่ประการ หั้นถ้อน (สังข์) ตะวันหรือเดือนลับ เรียก เดือนดับ อย่างว่า ออระชอนซ้ายเดือนดนดับถ่าย ตาเวาฮ่ำฮ้องไทท้วงเฮียกขวัญ (ฮุ่ง).