ภาษาอีสานมาใหม่ 6375 - 6384 จาก 17431
-
เฮวฮัน
แปลว่า : เร่งรีบ อย่างว่า พวงใส่ถ้วยเอิ้นอ่อนแองคอน บัดนี้เจืองก็วางเซาเสียพรากคืนไซซู้แลท่าน เฮาค่อยเฮวฮันดั้นลวาพอนเลยล่วง เฮวเถิ้น เมื่อนั้นสองอยู่ฟู้ฟังอ้ายฮีบคืน (ฮุ่ง). -
เฮวฮอด
แปลว่า : ถึงเร็ว อย่างว่า เมื่อนั้นหมอเมืองฮู้โดยพลันเฮวฮอด ขาบพระเจ้าลุ่มฟ้าปุนตั้งเลขเลียน (สังข์). -
เฮวลวา
แปลว่า : รีบขี่ม้า อย่างว่า ผ่อเห็นเลื่อนเลื่อนน้ำต้องตาดตีนภู พุ้นเยอ ไสวคนบ่าวเจืองเจียมชู้ เฮวลวาผ้ายภูหลวงลิวลี่ คึดฮุ่งผู้แพงล้านชั่วไกล (ฮุ่ง). -
เฮวพลัน
แปลว่า : รีบเร่ง อย่างว่า เฮาอย่าช้าตกแต่งเฮวพลัน เขาก็ปุนเปืองประดับแต่งการเลยแล้ว ประดับเครื่องพร้อมเลยแต่งมะฮามหลวง ฮมฮมนันซู่ภายพลอยเต้า เดาดีพร้อมทุกลวงปูสาด สาวถ่าวเค้าหัวห่อมชื่นบาน (ฮุ่ง). -
เฮ่ว
แปลว่า : ป่าช้า ที่เผาหรือฝังศพ โบราณ เรียก เฮ่ว ป่าเฮ่ว ก็ว่า อย่างว่า สูนี้คือคู่กาโกแฮ้งโฮมโครงควายเน่า ฮู้ว่าโฮมเฮ่วไว้มาม้วยเทื่อเดียว แลนอ (สังข์) กษัตราเจ้าใจเฟือนฮ้อนเฮ่ง พาไพร่เข้าเถื่อนถ้ำผากว้างฮ่อมเหว เขาก็เอากันเข้าในดงผาเฮ่ว นาคหลั่งล้นลงหั้นหมื่นตัว (สังข์) ให้ฮีบซักโกศแก้วเถิงฮ้านเฮ่วผี นางก็ขึ้นปืดล้างโลมลูบมันหอม ขุนมารตายเครื่องคำคาเนื้อ ส่องเบิ่งหน้าท้าวใหญ่ยังขาว เล็บมือยาวก่านทองทุกนิ้ว (สังข์). -
เฮว
แปลว่า : รบ ต่อสู้ การรบหรือต่อสู้ข้าศึกศัตรู เรียก เฮว ฮบ ก็ว่า อย่างว่า เอาจักเอาอาคืนคอบเฮาเฮวได้ (สังข์). -
เฮว
แปลว่า : เร็ว รีบ ด่วน ไว อย่างว่า พิเศษไท้เถรดุ่งเดินเฮว กลายคีรีฮอดแดนนครท้าว จวนใจค้ามคนิงแพงพ้นยิ่ง อุกอั่งทวงสะท้อนสะเทินให้ใช่หัว (สังข์). -
เฮ็ด
แปลว่า : ทำ อย่างว่า เฮ็ดดีผีปันนาให้กิน (ภาษิต) เฮ็ดตางลี้ ขี้ตางเซามีแฮง (ภาษิต) เฮ็ดนาว่าปีหน้า ไปค้าว่าปีฮือ (ภาษิต) เฮ็ดให้ส้ม ต้มให้สุก (ภาษิต) เฮ็ดนาอย่าแพงกล้า ไปค้าอย่าแพงทึน (ภาษิต) เฮ็ดเฮือนแล้วยังโฮง (ภาษิต) เฮ็ดอี่หลีจั่งเห็นหีลูกสาวเพิ่น เฮ็ดเหล้นเหล้นเห็นแต่ซิ่นมัน (ภาษิต) เฮ็ดนาบ่เสียไฮ่ เลี้ยงไก่บ่เสียฮัง (ภาษิต) เฮ็ดบ่ได้ใช้บ่เป็นเกิดอุบาทว์ (ภาษิต) เฮ็ดให้เป็นเข็นให้ขาด (ภาษิต) เฮ็ดนาเบิดปีไฟไหม้เล้าเข้า (ภาษิต) เฮ็ดบุญเอาหน้า ภาวนาหาลาภ (ภาษิต) เฮ็ดบ่สมพอได้บ่ได้ ไค้บ่สมพอลั่นบ่ลั่น หมั่นบ่สมพอมีบ่มี (ภาษิต) เฮ็ดนาเหลียวเบิ่งฟ้า เฮ็ดค้าเหลียวเบิ่งหน้าลูกเมีย (ภาษิต) เฮ็ดให้สุดขุดให้เถิง (ภาษิต). -
เฮ่งเฮว
แปลว่า : รีบเร่ง อย่างว่า ทุกปากก้ำปักปิ่นคำควร ชื่อว่านางอินทร์ลงเลี่ยมลืมเล็งหน้า เนียนเนียนกลั้นกวังใจฮ้อนเฮ่ง เฮวนี้เพราะเพื่อฮามฮ่วมหน้าแดงง้อมอุ่นเฮือน (ฮุ่ง). -
เฮ่งฮัก
แปลว่า : รีบรัก อย่างว่า ฮ่อนฮ่อนฮ้อนเฮ่งฮักฮมหนาว ไมตรีหวานเหลี่ยมลำโลมซ้อย ฮามเห็นหน้าขาวเขียวอวนอู่ ยามหนึ่งกลั้นขวัญข้อยขาดแฮง (ฮุ่ง).