ภาษาอีสานมาใหม่ 6435 - 6444 จาก 17431
-
ฮุ่งฮ้อน
แปลว่า : ร้อนรน อย่างว่า ใจฮุ่งฮ้อนแสนท่อผายความ กลอยวาจาจิ่งจาฝูงเถ้า พอที่เฮาเฮวให้เมือเถิงถามข่าว ดีรือ ค้ายสิ่งเหง้าชมพร้อมพร่ำสงวน (ฮุ่ง). -
ฮุ่งวอน
แปลว่า : ระลึกถึง อย่างว่า เมื่อนั้นนามมนุษย์เจ้าเจียมปรางค์น้อยนาฏ ฟังแม่เจ้าหิวไห้ฮุ่งวอน แล้วเลิกเมี้ยนเมือสู่บาศรี มารดาวอนอ่อนแฮงทวงท้าว นาโคเหลื้อมหลายขุนขับเสบ นางนั่งใกล้กลอยถ้อยฮ่ำเฮียน (สังข์). -
ฮุ่งเช้า
แปลว่า : เวลาเช้า อย่างว่า โสภาพพร้อมโดยดั่งอินทร์แปลง ยามยลคือแท่งทองโลมไล้ เมื่อนั้นองค์กษัตริย์ไท้แพงเมืองชมชื่น ดีแก่สูรย์ส่องพ้นเฮียวไม้ฮุ่งมา (ฮุ่ง). -
ฮุ่งจวน
แปลว่า : เวลาใกล้สว่าง เรียก ฮุ่งจวน อย่างว่า ซว่าซว่าฮ้องคับคั่งโฮมขวัญ เขาก็โจมจอมศรีใสเพลาเพียรป้อน ฟังยินเค็งเค็งฟ้าเทิงหัวฮ้องฮ่ำ พุ้นเยอ แซวอั่นผ้ายผันชู้ฮุ่งจวน (ฮุ่ง). -
ฮุ่งคีง
แปลว่า : รู้สึกตัว อย่างว่า เมื่อนั้นน้องท่านเข้าคุงพี่พันแขน เร็งโญยังฮุ่งคีงคอยน้อง นั้นบ่ เมื่อนั้นภูมีเยื้อนตีงตนตั้งเที่ยงเล็งล่ำฮ้านโฮงกว้างคั่งคน (สังข์). -
ฮุ่งค่ำ
แปลว่า : เวลาเช้าและเวลาค่ำ เรียก ฮุ่งคำ อย่างว่า ฮุ่งค่ำเช้าชาวเทศเทียวสะเภา อุดมโดยดั่งดาวดิงส์ฟ้า นับแต่บุรีล้ำนครคนใดเปรียบ โฮงใหญ่กว้างออระทึ้มผ่านเชียง (สังข์). -
ฮุ่ง
แปลว่า : คะนึง คิดถึง อย่างว่า คึดฮุ่งท้าวธรงเพศเป็นสมณ์ อาดูรดอมนางคราญเวทนามีมั้ว เมื่อนั้นเสนาป้องเทวีธรงแท่นนางคั่งแค้นหิวไห้ฮุ่งผัว (สังข์) เทื่อนี้บ่ฮ่างได้คืนคอบเมืองปะกัน แลนอ คำเคืองคึดฮุ่งผัวผิวม้าง บัดนี้ราชาเจ้าจอมหัวเป็นอาชญ์ ก็เพื่อบุญยี่กว้างเป็นข้อยบ่เถียง ได้แล้ว (ฮุ่ง). -
ฮุ่ง
แปลว่า : สว่าง สุกใส แจ้ง ชัด อย่างว่า ผ่อเห็นฟ้าสว่างแจ้งจันทร์ฮุ่งฮาวเขา พุ้นเยอ เสียงนันในนครหลวงดั่งดินดาซ้าย รุกขาไม้ลมพานค้อมควี่ เดือนด่วนค้ายคาข้อนขอบเสมร (สังข์). -
ฮุง
แปลว่า : รุ้ง แสงที่ปรากฏบนท้องฟ้าเป็นแถบ มีเจ็ดสี โบราณเรียก ฮุงลงกินน้ำ มักจะปรากฏบนท้องฟ้าในเวลาฝนตกตอนกลางวัน เวลาบ่าย ๓ โมง ซึ่งมีแสงแดดปรากฏอยู่อย่างว่า แล้วจิ่งทำฤทธีให้เป็นฮุงยาวหย่อน ลงมา แดงหมุ่ยพร้อมทังสิ้วแสดเหลือง กงลุ่มนั้นอั้วเคี่ยมนางญิงผิวผางสอฮุ่งเฮืองบ่มีเศร้า กงเทิงนั้นขูลูบาบ่าว แสงบ่แจ้งดูเศร้าหม่นหมอง (ขูลู). -
ฮุง
แปลว่า : ผ้าแถบมีสีเหมือนสีรุ้ง เรียก ผ้าสีฮุง อย่างว่า ผันสู่น้องนางนาฏวันทา แปลงคำควรกล่าวเขาขุนเชื้อ อาภรณ์พร้อมสีฮุงเฮืองดอก ประดับอยู่ย้องถือม้าวเพศกระยา (สังข์).