ภาษาอีสานมาใหม่ 6608 - 6617 จาก 17431
-
ฮ่อ
แปลว่า : ต่อ กับ พูดต่อ เรียก เว้าฮ่อ พูดกับ เรียก เว้าฮ่อ อย่างว่า ยามเมื่อพิเศษแย้มเยาวราชหุมหัว ฮ่อนั้น ขวัญเฮียมโฮมเฮียกตอมเต็มเนื้อ เล็งที่ทันตาแม้งมหานิลงาเงี่ยง งามเด ซ้องซุ่มเกล้าตะเกิงหน้าแข่งเขียน (ผาแดง). -
ฮสฮ่วง
แปลว่า : ตลบ อบอวล กลิ่นที่หอมฟุ้งปลิวไปตามลม เรียก ฮสห่วง อย่างว่า ยามเมื่อลมล่วงต้องพัดยอดเกียงปิว โฮยโฮยฮสฮ่วงหวานหอมเฮ้า นางขวัญสร้อยศรีพราวนางเกิด เขาพี่น้องนางท้าวผ่อคอย (ฮุ่ง) ฮสฮ่วงเอ้า ก็ว่า อย่างว่า ฮสฮ่วงเฮ้าเท้าทั่วอุทิยาน มาลาเลียนก่ายกอแกมก้าน สารภีสร้อยจำปีหอมอ่อน มีดอกไม้บานห้อมฮื่นหอม (กาไก). -
ฮส
แปลว่า : รส สิ่งที่รู้ได้ด้วยลิ้น เรียก รส เช่น รสเปรี้ยว หวาน มัน เค็ม หรือสิ่งที่รู้สึกชอบใจ อย่างว่า ภุมเรศแล้วแสวงดุ่งชมรส สาวสมออนบ่าวบารือห้าม แต่นั้นนงนาฏท้าวทังนางขึ้นแท่น ง้อมลวดคร้ามกระสันฮ้อนเล่าอาย (ฮุ่ง) เมื่อนั้นทุกที่หน้านางเทพกัลยา โฮมคำเสถียรกล่าวจาจอมเจ้า ฝูงข้าเป็นพงศ์เชื้อเดียระฉานศักดิ์ต่ำ รือจักสมฮสเจ้าจอมสร้อยบ่ควร เจ้าเอย (สังข์) เมื่อนั้นผู้ก่งท้าวเถิงที่ลินคำ แสนวังเวินย่านยาวไหลก้อง มีทังจำปีพร้อมจำปาเดียระดาษ ฮสดอกไม้โฮยเฮ้าทั่วไพร (ฮุ่ง). -
ฮวายฮำ
แปลว่า : รั่วรด ฝนตก เรียก ฝนฮวายฮำ อย่างว่า ทุกข์ใช่น้อยฝนเร่งฮวายฮำ สองค่อยเพียรเพลาแพงห่มอืนเอาตุ้ม ผ่อดูวันสูรย์ซ้ายเมโฆเค้าฮ่ม พุ้นเยอ ฟ้าหลั่งเหลื้อมเสียงก้องคื่เค็ง (สังข์). -
ฮวาย
แปลว่า : ลูบ ไล้ อย่างว่า ออระม่อยเนื้อเจ้าฮุ่งทวายจันทน์ เมื่อนั้นลุงก็ปุนนายเฮือนฮีบดาดูเข้า ยนยนย้ายพลพานเลยเลิกสูเยียะไปกล่าวเจ้าทองล้านลูกจอม (ฮุ่ง). -
ฮวาย
แปลว่า : พ่น เป่า รด พ่นน้ำ เรียก ฮวายน้ำ ผิวน้ำ ก็ว่า เป่าน้ำ เรียก ฮวาย อาโป อย่างว่า หมอหนึ่งฮวายอาโปผาบผีผิวน้ำ (หน้าผาก). -
ฮวาย
แปลว่า : เสก ปลุก เสกมนต์หรือปลุกมนต์ เรียก ฮวายมนต์ อย่างว่า มันก็ฮวายมนต์โอมแอ่วโพยมยังฟ้า แยงหนห้องกะไดทองเทวราช พ้นกีบฟ้าเขียวดั้นดุ่งเถิง (สังข์). -
ฮวาย
แปลว่า : รังไข่ของสัตว์ที่ตกออกมาเป็นฟอง เรียก ฮวายไข่ รังไข่ของคน เรียก ฮวายลูก อย่างว่า นางคราญค้นเอาลูกทังฮวาย ฮองตองทึงห่อโยนยอไห้ เทืองทวายอุ้มเอาเมือเมืองเก่า แม่บ่เลี้ยงบายถิ้มหน่ายหนี (สังข์). -
ฮวาด
แปลว่า : รด ราด เทน้ำรดหรือราด เรียก ฮวาด อย่างว่า ฮวาดฮวาดน้ำฮวายฮวาดสุคันธา พอดีเสด็จออกมาเกยกว้าง หลายถันถ้องตาวแวงระวังราช คนคั่งเท้าโฮงฮ้านลุ่มเทิง (สังข์). -
ฮวาด
แปลว่า : พวง ดอกไม้ที่ร้อยเป็นพวง เรียก ฮวาดดอกไม้ พั้วดอกไม้ ก็ว่า อย่างว่า แขนป่งช้อนโดยฮ้อยฮวาดธนู (กา) ปุนนางเป็นฮวาดมาลัยดวงเข้ม (กา) พวงดอกไม้เรียก ฮวาดดอกไม้ อย่างว่า ถนิมภรณ์แก้วดวงปะเทิงม้าวมิ่ง กับทังพวงดอกไม้พันฮ้อยมอบมวล (สังข์).