ภาษาอีสานมาใหม่ 12081 - 12090 จาก 17431
-
ถัน
แปลว่า : พวก หมู่ เหล่า คนที่รวมกันเป็นหมู่เหล่า เรียก ถัน อย่างว่า หลายถันถ้องสาวฮามยูม่วน (กา). -
ถัน
แปลว่า : เรียง แถว เรียงเป็นแถวเรียก ถัน อย่างว่า เขาก็วงแวดล้อมบาไว้หมื่นถัน (กา) หลายถันถ้องตาวแวงระวังราช คนคั่งเท้าโฮงฮ้านลุ่มเทิง (สังข์). -
ถัน
แปลว่า : เต้านม น้ำนม (ป.) อย่างว่า ถนาเต้านมงามปานเสี่ยน (เวส-กลอน). -
ถัด
แปลว่า : เริ่มต้น ตั้งต้น อย่างว่า ถัดนั้นสะพรั่งล้นอุสุภราชงัวงาม มืออมโออ่างลายเลียนไว้ ทันที่หอสูงนั้นสาลิกาแกมแขก ฮู้กล่าวเกลี้ยงจาได้ดั่งคน (สังข์). -
ถั่ง
แปลว่า : กระทุ้ง กระแทก กระทุ้งโปง เรียก ถั่งโป่ง. -
ถั่ง
แปลว่า : หลั่ง ไหล พุ่ง ซัด อย่างว่า เมื่อนั้นอาคั่งแค้นทูลทอดชุลีหลาน ยอมความขอขอดโดยดอมน้อย เซ็นเซ็นน้ำชลธาร์แถวถั่ง เยื้อนบ่ได้เฮให้สั่งผัว (สังข์) เมื่อนั้นเวราฮ้ายจำจวนภูวนาถ เขาก็ปัดกึ่งก้อนคำล้านใส่เหว คีงกลมกลิ้งนำแปวน้ำถั่ง ภูวนาถกลั้นใจน้อยมอดมัว (สังข์) -
ถักถั่น
แปลว่า : ลดหลั่น เรียงราย ต้นไม้ที่ขึ้นสูงเรียงรายลดหลั่นกันไป เรียก ถักถั่น อย่างว่า ถักถั่นไม้ซ้องช่อเขียวนิล พุ้นเยอกลายที่นาเนืองเถิงท่าเพียงเมือหน้า เมื่อนั้นภูมินทร์เจ้าเจื้องลุนล้านมาศ คึดพี่ผู้นงหน้าหมื่นกระสัน (ฮุ่ง). -
ถ้อย
แปลว่า : คำพูด ถ้อยคำ คำที่กล่าว อย่างว่า แม้นจักมาให้ถ้อยพันเยื่องแสนที ก็ดี เฮียมบ่เห็นดอมนางดั่งใดบ่มีฮู้ (สังข์) มันก็ลาบาทแล้วเลยเล่าไปถวาย จอมก็ยินดีโดยดั่งเฮียมแถลงถ้อย (ฮุ่ง). -
ถ่อย
แปลว่า : คนชั่วช้าเลวทราม เรียก คนถ่อย อย่างว่า เลี้ยงผู้เถ้านับมื้อถ่อย เลี้ยงเด็กน้อยนับมื้อฮู้ (ภาษิต) เป็นใดบุญเพ็งดั้นเดินมาเมืองนาคภายพี้ เขานี้สัตว์ถ่อยถ้านมีฮู้ฮ่อมเชียงเจ้าเอย (สังข์). -
ถอย
แปลว่า : เคลื่อนออกจากที่เรียก ถอย เคลื่อนมาข้างหลังเรียก ถอยหลัง อย่างว่า เทียวทางบ่ทันสุดเส้นอย่าถอยหลังให้เขาเหยียบ ตายขอให้ตายหน้าพุ้นเขาจั่งย้องว่าหาญ (ภาษิต).