ค้นหา "คำ" 271 - 280 จาก 1269
-
ดวง
แปลว่า : เป็นคำเรียกของใช้บางอย่างว่า ดวง เช่น มีดหนึ่งดวง เสียมหนึ่งดวง หมากจกหนึ่งดวง แคนสองดวง. -
ดวง
แปลว่า : เป็นคำเรียกดอกไม้ว่า ดวง ดวงหอม ดอกดวง ก็ว่า อย่างว่า จวงจันทน์แก้วดวงหอมช้อนกิ่ง สาวแต่งได้โดยฮ้อยฝากฝืน (ฮุ่ง) นางคราญต้านเตินเขาข้าหนุ่ม ให้ขาบฮ้อยดวงเข้มฮีบถวาย (สังข์). -
ดวงปลี
แปลว่า : อวัยวะของเพศหญิงที่มีรูปคล้ายดอกกล้วย เรียก ดวงปลี หรือ ปลีกล้วย อย่างว่า ญิงใดโยนีส้วยคือปลีกล้วยอ่อน ญิงนั้นสุขลื่นล้นบุญเจ้าหากมี (คำสอน). -
ดวงพร
แปลว่า : คำสั่ง พรที่ให้ไป อย่างว่า อวนจ่งนำดวงพรพาดผมสองใช้ เอาขาเข้าทูลเทียนเทวราช เมื่อนั้นจันทร์จื่อถ้อยเถิงใช้กล่าวกลอน (สังข์). -
ดอก
แปลว่า : เป็นคำใช้ท้ายประโยคคำพูด เช่น บ่แม่นดอก แบ่กินดอก บ่ไปดอก เฮ็ดบ่เฮ็ดกะบ่เป็นหยังดอก. -
ดั่นดั่น
แปลว่า : ดิ้นเร่าๆ เรียก ดั่นดั่นดิ้น ดั่นดั่นดิ้นดิ้นดั่น ก็ว่า อย่างว่า มันก้ดั่นดั่นดิ้นศรคลาดคาหนี ฟางตายหนีผ่อเห็นแปนข้าง มันก็เฮฮนฮ้องหานางนงถ่าว พี่บ่ให้ฮุ่งฮู้คำฮ้อนฮอดอวน พี่นา (สังข์). -
ด่า
แปลว่า : ใช้ถ้อยคำว่าคนอื่นด้วยคำหยาบช้าเลวทรามเรียก ด่า อย่างว่า ลางเถ้าวาจาต้านคำใดตั้งแต่ด่า หน้าบ่ทันส่วยล้างกุมป้อยด่าแต่หลาน (กาพย์ปู่). -
ด้าม
แปลว่า : คันสำหรับถือ เช่น ด้ามมีด ด้ามพร้า เรียก ด้าม อย่างว่า พระบาทท้าวย้ายย่างเมือสถาน ฮมฮมลดม่านคำลายคล้ำ เททวงค้อยคึดหาญหุมมาก ใจวู่ฮ้อนกำด้ามดาบเทียม (ฮุ่ง). -
ดิถี
แปลว่า : วันตามจันทรคติ ใช้ว่า คำหนึ่ง สองค่ำ สามค่ำ ดฤถี ก็ว่า (ป.ส.). -
ดูก
แปลว่า : ชื่อพรรณไม้จำพวกหนึ่ง มีหลายชนิด พุทธชาดเรียก ดูกเข้า มะคำไก่เรียก ดูกหิน ขันทองธรรมชาติเรียก ดูกใส พรรณไม้พุ่มใบเล็กเรียก ดูกอึ่ง.