ค้นหา "ฮ" 221 - 230 จาก 4161
-
ฮอย
แปลว่า : ชะรอย ผิว่า ถ้าว่า แม้ว่า อย่างว่า ฝูงพี่น้องเห็นฮ่างฮอยหัว ลอนว่าไกลตากูตู่คอนคนบ้า นั้นรือ เมื่อนั้นฮมฮมพร้อมสาวศรีสงวนบ่าว อย่าว่าข้าท่านไท้ใจแจงโลบลวง (สังข์) ไย่ไย่ล้นเหลือข่วงเชียงจวง พอที่ผลควรคึดคั่งใจจอมไท้ เมื่อนั้นเร็งโญไท้พรมยวงต้านพี่ เห็นที่แกวมากล้นฮอยไฮ้ฮูปงาม (ฮุ่ง). -
ฮอย
แปลว่า : รอย เครื่องหมายปรากฏอยู่ตามสถานที่ต่างๆ เรียก ฮอย เช่น ฮอยขีด ฮอยเขียน ฮอยตีน ฮอยมือ ฮอยแต้ม ฮอยแต่ง อย่างว่า นำฮอยตา วาฮอยปู่ นำฮอยปู่ กู้ฮอยพ่อ (ภาษิต) เชื้อชาติม้าบ่มีหลีกทางกระแส ตีตามลมบ่เห็นฮอยเต้น (ผญา) ว่าแม่นเสือกินหรื้อสังบ่เห็นฮอยลาก ว่าแม่นนากกินหรื้อสังบ่เห็นฮอยแก่ หรือแม่นเงือกปากแหล้แข้ปากกว้างเอาน้องเข้าเวิ่นวัง (ผญา) ลัดแผ่นพื้นเขาขาดทะลายลง ฮอยพลายสารหล่มไปเป็นส้าง ฮอยนั้นอัศจรรย์แท้สามวายังหย่อม ภูวนาถท้าวทวยก้าวไต่ตาม (สังข์). -
อะแฮม
แปลว่า : กระแอม ทำเสียงในลำคอคล้ายไอ เพื่อให้คอโปร่งหรือหายแหบ เรียก อะแฮม อย่างว่า ฟังเสียงอะแฮมปานเสียงม้าฮ้อง ใผกะย้องว่าเจ้าผู้งาม บ่อยากถามดอกย้านเพิ่นอ่ง (บ.). -
อั๊บฮับ
แปลว่า : แหลก ละเอียด หาชิ้นดีไม่ได้ เช่น ถ้วยแตกละเอียด เรียก มุ่นอั๊บฮับ กินไม่มีเหลือ เรียก เกลี้ยงอั๊บฮับ. -
ฮ่อม
แปลว่า : ช่อง ทาง อย่างว่า สอนบ่เป็นประโยชน์แท้ผิดฮ่อมอวิสัย ควรกูไลนครเสียบวชสมณ์แสวงดั้น ผิจักเป็นคหัสถ์ฮู้โพยมีพันเยื่อง เยียวจักแค้นคั่งไหม้หมองต้องตื่มมา (สังข์) ผ่อเห็นฮำฮ่อนเบี้ยบานแบ่งใบใส เทียวทางไกลหมื่นถันแถวภ้อง หลึมเขาขั้นผาใดดูฮาบ บ่ฮู้กี่หลั่นห้องเหวห้วยฮ่อมเขา (ฮุ่ง) เลื่อนเลื่อนน้ำต้องตาดตื่นผา พุ้นเยอ ไสวบดฮ่มซางเชิงห้วย ผาอาขึ้นภูสูงแสนง่อน ทางท่องเลี้ยวเถิงห้วยฮ่อมชัน (ฮุ่ง). -
ฮมนา
แปลว่า : คิดถึง คร่ำครวญถึง อย่างว่า เมื่อนั้นภูบาลฮู้ฮมนาช้อยชื่น ฟังยินตุริยาตรย้ายกลองฆ้องกล่อมสังข์ พิณพาทย์ไค้แคนขลุ่ยขานซอ แต่สังข์สูรกล่อมพิณโพนโล้ (สังข์). -
อาฮมณ์
แปลว่า : อารมณ์ อย่างว่า บ่อาจตั้งอยู่ได้โดยฮูปฮังฮาม ดีแก่วาโยแถมทาบเติมตีค้อม เพราะเพื่ออาฮมณ์ฮ้นทนทวงเทท่าว คึดท่านไท้ทังน้องแม่เมือง (สังข์) พระบาทเจ้านางซึ่มทังสอง เฟือนางจอมสู่โฮงทังไห้ อาฮมณ์ง้อมแพงเมืองอั้วอู่เฟือเอามุนมาดเจ้าเมือห้องท่าวทวง (ฮุ่ง). -
อาฮวน
แปลว่า : ชื่อพรรณไม้ดอกชนิดหนึ่ง มีกลิ่นหอม เรียก ต้นอาฮวน อะฮวน ก็ว่า อย่างว่า ดำดวนพร้อมอาฮวนหอมห่วน แมงภูเผิ้งชมชั้วกลิ่นละออ (กาไก). -
ฮอม
แปลว่า : จวน ใกล้ เช่น ใกล้สว่าง เรียก ฮอมชิแจ้ง จวนจะถึง เรียก ฮอมชิฮอด ใกล้จะตาย เรียก ฮอมชิตาย อย่างว่า หมอว่าเจ้าจักได้ผ่านพื้นเมืองใหญ่ทังปวง เห็นที่สายสินฮอมฮอดเฮาแถวถ้อง ยังเล่าเห็นสองเจ้าขุนหลวงขาวเผือก พลพวกพ้องดอมได้แต่ควร (ฮุ่ง). -
ฮ่อม
แปลว่า : พวก หมู่ เหล่า อยู่กินหลับนอนร่วมกันได้ เรียก ฮ่อมเดียวกัน พวกหมู่เหล่าเดียวกัน ก็ว่า อย่างว่า กากับนกเค้าบ่เข้าฮ่อมเดียวกัน หนูกับแมวบ่อยู่นำกันได้ หมีกับไม้ผันทะนังค้อป่า จอนฟอนกับเห่าห้อมบ่มีมื้อชิถืกกัน (กลอน).