ค้นหา "ฮ" 3131 - 3140 จาก 4161
-
วน
แปลว่า : รบดวน อย่างว่า ติแต่เป็ดไก่ฮ้ายเต้นตอดตำขา มันบ่เห็นของกินบ่แล่นวนนำก้น ติแต่งัวควายหม้นเฮียวหนามฮั้วไฮ่ มันบ่เห็นบ่อนได้บ่เวียนหม้นอยู่ดน (ย่า). -
วเนจร
แปลว่า : คนเที่ยวป่า พรานป่า อย่างว่า คนฮ้ายคว่าพิทาธร พเนจรเดินป่าไม้เข้าใกล้แล้วกล่าวมายา หลิงสองตากวักวาดยิกคิ้วฟาดเนืองนัน แม้นว่านางกระทำการฉันใดใผกะบ่มีฮู้ แม่นว่านางเหล้นชู้ไผกะบ่มีเห็น บัดนี้นางมาคว่ากังวลอยู่แจ้วแจ้ว ให้หาลูกแก้วว่าเสียดายเด (สังข์). -
วรรณ
แปลว่า : สี เช่น สีขาว สีแดง ผิวพรรณ เช่น มีวรรณะหยาบ ละเอียด ชาติชั้น ในสังคมฮินดูแบ่งคนเป็น ๔ วรรณะ คือ กษัตริย์ พราหมณ์ แพทย์ ศูทร อย่างว่า เล็งช่องชั้นมุงมาศมโนฮม ปุนดาวเดียระดาษคือดวงฟ้า ผานผานเพี้ยงมุณเทียรเทวราช แก้วก่อล้อมวรรณเข้มข่ายกระดิง (สังข์). -
วรุณ
แปลว่า : พระพิรุณ เทวดาแห่งน้ำ เทวดาแห่งฝน (ส.) ชื่อยักษ์ตนหนึ่งในวรรณคดีเรื่องสังข์ศิลป์ชัยว่า วรุณยักษ์ อย่างว่า เมื่อนั้นกันดารต้านคำขีนแข็งขนาด วรุณยักษ์ผู้ลือล้ำแม่นกู นี้แล้ว ในเขตด้าวแดนด่านเขาขวาง ตัวใดเดินมาพบขาดชิวังมีม้ม มึงนี้ชายเดียวน้อยเดินใดมาฮอด กูนี้บ่อาจจักปล่อยพ้นหนีลี้หลีกตาย ท่านเอย (สังข์). -
วอน
แปลว่า : พยับแดด ประกายแดด แสงแดดที่กล้าปรากฏเป็นรูป อย่างว่า เทียวทางท่งแดดวอน เทียวทางดอนแดดไหม้ ให้ถกขาไวไวฮีบฟ้าวหาฮ่ม (กลอน). -
วอน
แปลว่า : เฝ้าขอ ร่ำขอ ขอด้วยอาการร่ำไร เรียก วอน อย่างว่า ขอวอนให้ภูมีไลโทษ โผดข้าน้อยคราวนี้เทื่อเดียว แด่ถ้อน (กลอน) ฟังยินขีณีเอิ้นตามบาวีว่อน มันก็วอนจ้อยจ้อยเสียงน้อยแอ่ววอน (สังข์) ดีแก่ยูงสูรฮ้องเสียงวอนในเถื่อน เอื้อยมุ่งซ้ำแถมถ้อยกล่าวกลอน (ฮุ่ง). -
วะ
แปลว่า : เว้น ว่าง เปิดทางให้ อย่างว่า ทันทังเถ้าใส่ฟ้าทังท่านอาวลำ เมืองหลวงเขาตื่มนันเนืองให้ เขาก็ซำลวาผ้ายเฮวถองเถิงราช วะหว่างไว้ปุนถ้าแขกเมือง (ฮุ่ง). -
วัง
แปลว่า : ที่อยู่ของเจ้านาย เรียก วัง อย่างว่า ดีท่อความเฮืองเท้าเทวีพระแม่ ในข่วงคุ้มวังกว้างกล่าวนัน (สังข์) แต่นั้นเขาก็ลุกพรากท้าวเลยเลิกทังอาย ผันลวาฝืนออกเวียงวังกว้าง กลายหนห้องหอสูงอั้วค่า เหลียวผ่อเจ้าแพงล้านแต่ไกล (ฮุ่ง). -
วั่งวอน
แปลว่า : วังเวงใจ อย่างว่า มัดแม่งถ้อยใจน้อยวั่งวอน (สังข์) ฮุ่งค่ำเช้าใจวั่งวอนกระสัน (สังข์). -
วัณนุรา
แปลว่า : ชื่อยักษ์ตนหนึ่ง เป็นพี่ชายของยักษ์กุมภัณฑ์ อย่างว่า เมื่อนั้นวัณนุราค้ำกลอนเก่ามาคนิง เล็งโยธาพวกพลบางข้าง โฮมความให้ตีเทียนเหล้มหมื่น กองโกฎิแก้วคำเข้มแข่งผิว (สังข์).